返工搭車聽歌、煲劇、開會，你一日戴幾多個鐘頭耳機？聽力受損已經唔再係老人家嘅專利，年輕一代嘅聽力正被悄悄偷走！

好多人習慣喺嘈雜嘅環境「開大音量」蓋過雜音，但醫生警告：長期暴露於 85 分貝以上的噪音中，內耳毛細胞會永久受損，聽力一去不復返！

醫生護耳 3 大實用建議：

• 遵守 60-60 原則： 音量不超過 60%，連續配戴不超過 60 分鐘。

• 慎用耳塞式耳機： 盡量選擇有主動抗噪（ANC）功能嘅耳機，避免「以噪制噪」。

• 提防初期警號： 出現耳鳴、聽不清高音（如鳥鳴聲）或常聽錯字，就要盡快求醫。

 

 

沖完涼習慣用棉花棒了耳仔，覺得好爽？呢個動作喺醫學上其實非常危險！醫生形容，這等同「將垃圾越掃越入」。

• 耳屎越推越入：棉花頭會將耳屎推入耳道深處並壓實，形成堵塞，反而導致聽力變差。

• 刮傷引致外耳炎：耳道皮膚極薄，用棉花棒摩擦容易造成微小傷口，加上潮濕環境，極易細菌感染、流膿。

• 刺穿耳膜風險：萬一失手或被撞到，棉花棒直插耳道，分分鐘刺穿耳膜，造成永久性失聰！

其實耳屎有抗菌同保護作用，平時講嘢咀嚼就會自動排出。沖涼後只需用毛巾擦乾耳廓外圍，或者用風筒弱冷風吹乾即可。

 

 

家庭觀衆發問：

1. 搭飛機之後耳仔塞咗，一直通唔返？

2. 年紀大聽力差，佩戴助聽器，還是做人工耳蝸手術？

3. 耳濁係咪可以吸耳垢，係咪安全？

4. 長者聽嘢時好時壞，係咪撞聾？

 

嘉賓：香港中文大學耳鼻咽喉 — 頭頸外科學系教授 唐志輝