有黃膿鼻涕，仲聞到不明臭味？成日鼻塞塞，仲出現面痛、眼痛或者耳仔痛？

有可能係鼻竇炎作怪。

 

每個人有額竇、蝶竇、篩竇、上頜竇等四對鼻竇，位於頭部唔同位置。過敏、發炎或者受感染，令到鼻竇出口阻塞，分泌物無法排出，細菌喺鼻竇入面繁殖，鼻竇就會發炎。

 

大約有三成急性鼻竇炎患者可以自己好返，九成以上急性鼻竇炎喺用藥之後會痊癒，但有部分會進展為慢性鼻竇炎，甚至引發嚴重併發症。醫生建議患者利用微溫生理鹽水洗鼻，清走鼻入面嘅黏液及致敏物質，有效紓緩鼻竇炎症狀。如果徵狀持續，最好搵醫生睇睇，透過藥物或手術治療根治鼻竇炎。

 

嘉賓：香港中文大學耳鼻咽喉—頭頸外科學系 名譽臨床助理教授 杜永禧

>>  節目重溫 (第二部分)