每4個香港人就有1個有鼻敏感，一年365日鼻水長流、眼痕、鼻塞，實在令人困擾。

 

鼻敏感好多時都係由致敏原引起。當患者接觸到致敏原，包括塵蟎、霉菌、花粉、動物毛髮，甚至曱甴，血液裡面嘅免疫細胞就會產生過多「IgE」抗體，刺激神經線，引發流鼻水、打乞癡、鼻塞、鼻痕眼痕等徵狀。

 

以為鼻敏感無得醫就唔理？其實只要經表皮針刺測試，搵到致敏原，對症下藥，就可以紓緩徵狀，仲可以避免病情惡化引致鼻竇炎或哮喘。

 

預防鼻敏感貼士

• 每星期用熱水清洗被袋、床單及枕袋
• 避免使用地毯
• 可使用殺蟎劑進行清潔
• 保持家居乾爽及通風
• 使用空氣過濾器除去霉菌孢子

 

嘉賓：香港中文大學耳鼻咽喉—頭頸外科學系 名譽臨床助理教授 賴廣麟
>> 節目重溫(第二部分)